Warning: Creating default object from empty value in /home/customer/www/genunlimited.mk/public_html/wp-content/plugins/seofy-core/includes/framework/ReduxCore/inc/class.redux_filesystem.php on line 29

Warning: Cannot modify header information - headers already sent by (output started at /home/customer/www/genunlimited.mk/public_html/wp-content/plugins/seofy-core/includes/framework/ReduxCore/inc/class.redux_filesystem.php:29) in /home/customer/www/genunlimited.mk/public_html/wp-content/plugins/sg-cachepress/core/DNS/Cloudflare.php on line 104
GenUnlimited, Author at Gen Unlimited 2.0 - Дигитална инклузија

Рефлексија на искуството до сега: тим Нешто Нетипично

На младинскиот предизвик „Генерација без граници 2019„ нашиот тим Нешто нетипично го освои почесното трето место. Така ние добивме уште простор да го развиваме Walkiie како концепт и како апликација. Она што на сите ни е познато е тоа што се случи со вирусот КОВИД – 19, па затоа ние имавме мала можност да ја тестираме додека бевме на кампување. “Кампуваме заедно” беше огранизирано од Центар за младински активизам КРИК кој ни овозможи со присутните членови во кој кампува и лица со попреченост и лица со типичен развој да ја тестираме.  Добивме неколку пофалби, критики и предлози како да ја подобриме апликацијата. Бидејќи немавме друг начин пак да ја тестираме, наместо тоа осмисливме друг концепт – онлајн работилници на кои лицата со попреченост се запознаваат со волонтерите, се со цел да стекнат поголема доверба и поддршка меѓу себе, за подоцна кога Walkiie ќе функционира според својата прва замисла, тие веќе се познаваат и си веруваат.

Во оваа фаза од ние можеме да кажеме дека сме многу горди на нашите успеси, а особено на тоа дека добивме почесно признание од претседателот на Северна Македонија Н.Е Стево Пендаровски, кој ни посака многу успех понатаму во нашата работа. Особено сме среќни за онлајн работилниците кои ги имаме, каде што видовме многу нови млади лица, каде што попреченоста не претставуваше никаков проблем, но и на последните две работилници каде за прв пат се видовме во живо, почитувајќи ги сите мерки.

Ние едвај чекаме да се опоравиме од вирусот, за потоа да продолжиме со нашите активности, бидејќи така ни е на сите најубаво и кога сме заедно сме посреќни. До тогаш може да не следите на нашите социјални мрежи, а доколку сакате да се вклучите како волонтер или корисник може да не контактирате, ние со радост ќе ви одговориме, бидејќи заедно сме повеќе, заедно сме посилни!

Read More
GenUnlimited октомври 12, 2020 0 Коментари

Рефлексија на искуството до сега: тим “Bionic”

Здраво, ние сме eBionics, еден од тимовите – победници на Generation Unlimited младинскиот предизвик. Можеби имате слушнато за нас и за нашиот продукт – 3Д печатена бионичка рака, па додека ние работиме на ново подобрување на бионичката рака, би сакале да направиме кратка рефлексија на нашето искуство досега! Приказната на eBionics започна во декември минатата година, пред првата работилница на предизвикот. За нас беше многу важно тимот да биде составен од членови кои меѓусебно се познаваат и имаат комуникација и надвор од училиште, а исто така и секој член однапред да ја знае својата задача. Тоа беше и главна причина што дојдовме до нашата идеја. Нашата цел на работилницата беше да ги убедиме сите дека идејата нема да остане само на тоа, туку дека ние ќе ја направиме реалност, што и навистина се случи во тие 3 дена. Иако во оваа фаза беше потребна само идејата, ние сакавме да го покажеме потенцијалот на овој проект уште од почетокот.

 

Во еден момент, тензијата и нервозата при работата се претворија во задоволство и изненаденост – дури и од наша страна. Очекувано, прототипот беше далеку од тоа што го имаме денес, но најважно беше да покажеме дека замислата на дело навистина работи. Во овие 9 месеци, успеавме да направиме нова верзија и ја зголемивме функционалноста на бионичката рака иако го скративме процесот на склопување од 7 часа на само 1 час. Имаме и наша веб-страна, на која што можат да се пронајдат сите информации потребни за секој, секаде да може да ја склопи нашата бионичка рака, како и профили на социјалните мрежи, каде што секогаш ги објавуваме најинтересните моменти од нашата работа. Моментално, работиме на уште една верзија на раката, за која очекуваме дека ќе функционира уште посоцистифирано, а корисниците веднаш би се навикнале на неа. Би ви препорачале да не следите на Фејзбук и Инстаграм, како и да се приклучите на нашата Фејзбук заедница – таму со сигурност ќе ги добиете сите новости поврзани со нашето искуство и работа, чиј дел сте и самите вие!

Read More
GenUnlimited октомври 7, 2020 0 Коментари

Приказната продолжува: нови чекори за победничките тимови на Младинскиот предизвик 2019/20

Тимовите “Bionic”, “Mind Benders” и третиот, почесен тим “Нешто Нетипично” кои освоија дополнителна финансиска поддршка од локалните организатори на предизвикот за млади “Генерација без граници”, продолжуваат да работат на нивните иновативни решенија за дигитална инклузија на децата и младите со попреченост во образованието и општествените активности.

Победниците на локалниот натпревар ги надградуваат нивните проекти со поддршка од експерт консултанти од повеќе области за да обезбедат постојан и одржлив развој. Тимот “Нешто Нетипично”, со цел адаптирање на новите услови ги започна подготовките за ставање во функција на нова платформа во поддршка на нивната мобилна апликација “Walkiie”. Преку оваа платформа, родителите заедно со децата и младите со попреченост ќе можат да учествуваат во креативни работилници со волонтери, според претходно-определна агенда и временски термини. Ваквите групни он-лајн активности прилагодени за домашни услови даваат можност за креативно изразување, стекнување нови вештини и нови пријатели!

 

Првите чекори кон усовршување на нивното решение ги направија и тимот “Bionic” кои покрај подготовката на нова верзија од 3Д печатената рачна протеза, посветено работат на креирање на одржлив модел на нивниот проект и планирање на долгорочните цели. 

Тимот зад решението “Digital Menu”, мобилна апликација која нуди прилагоден, инклузивен пристап до дигитализирани менија на локалните угостителски објекти, тимот “Mind Benders” работи на унапредување на функционалностите на апликацијата, но и лансирање на он-лајн веб решение за крајните корисници од угостителскиот сектор, со цел ефективно одржување на постојните и идни бази.

Бидете дел од активностите кои следат и поддржете ги младинските иницијативи! 

 

Следете ги победничките тимови на нивните социјални медиуми на следните линкови: 

Тим “Нешто Нетипично”: 

Facebook 

Instagram 

Тим “Bionic”:

Facebook 

Instagram 

Тим “Mind Benders”:

Facebook 

Instagram

Generation Unlimited – Младинскиот предизвик 2019/20 е организиран од страна на УНИЦЕФ во партнерство со Фондацијата Телеком за Македонија, имплементиран е од страна на СмартАп – Лабораторија за социјални иновации Скопје и е локално поддржан од Сојузот на извидници на Македонија.

Read More

Со помош на дигиталната технологија до подобро утре – Одбрани победниците на Generation Unlimited

Одбрани два тима победници во предизвикот за млади кои продолжуваат во глобалниот избирачки процес

Во финалето на локалниот предизвик за млади – Generation Unlimited кое се одржа на 6 мај 2020 во форма на онлајн настан, тимовите финалисти ги презентираа нивните продукти и развојот во фазата на инкубација. Со цел идентификување дигитални решенија кои директно ги адресираат постоечките потреби и предизвици на децата и младите со попреченост беа одбрани два тима чиишто проекти ќе бидат поднесени во глобалниот избирачки процес каде ќе ја имаат можноста овие проекти да ги развијат на светско ниво!

Од петте финалисти, како национални победници кои докажаа најголем потенцијал за развој и влијание се одбрани тимовите „Bionic“  и „Mind Benders“. Тие во периодот кој претстои ќе им се придружат на останатите тимови ширум светот во глобалниот натпревар.

Нивниот труд и вложеност беше препознаен од УНИЦЕФ и Фондацијата Телеком за Македонија и во таа насока, овие два тима ќе добијат финансиска поддршка во висина од две илјади американски долари за секој тим со цел успешно доразвивање и прогресирање во понатамошниот тек на предизвикот.

Дополнително, поради постигнатите резултати беше одбран и еден почесен тим, тимот „Нешто Нетипично“ кој ќе добие локална финансиска поддршка во висина од илјада американски долари за имплементација за своето решение.

Младинскиот предизвик оваа година се одвива во 41 земја во светот, а кај нас 45 млади индивидуалци во вкупно 10 тимови учествуваа со нивните иновативни идеи кои понудија одговор на предизвикот: “Како може дигиталната технологија да допринесе за поактивно вклучување на децата и младите со попреченост во образованието и во секојдневниот живот?”.

Овие тимови со помош на ресурсите на предизвикот, нивните посветени ментори како и достапните експерти од различни области таргетираа потреби врз основа на кои од идеја развија прототип – продукти на темата „Дигитална инклузија”. 

Целокупниот процес до завршниот настан траеше 8 месеци и опфати повеќе фази на развој од кои последната, фазата на инкубација им даде можност на пет тимови финалисти да ги имплементираат нивните проекти во локалната заедница со помош на менторска и почетна финансиска инвестиција во времетраење од 3 месеци. Завршниот настан ја отслика напорната работа на тимовите финалисти и го покажа вистинскиот потенцијал на младите во земјата!

Ни претставува огромна чест што во овој предизвик, гласот на младите луѓе со визија за подобро утре е слушнат и отпоздравен од повеќе страни. Претседателот на Република Северна Македонија, г. Стево Пендаровски со свое официјално обраќање им понуди поддршка и инспирација на тимовите финалисти на завршниот настан.

Ни претставува огромно задоволство што учество во овој предизвик земаа и истакнатите членови на жири комисијата, реномирани професионалци со долгогодишно искуство во областа на инклузија, дигитални технологии, одржливост и развој на бизнис.

Линк до видео од целиот завршен настан може да најдете на: https://youtu.be/SwZqRNY85UE

 

 

 

 

 

 

 

 

 

 

 

 

Дознајтe повеќе за победничките тимови и нивните продукти на социјалните медиуми: 

„Bionic“:  https://www.facebook.com/eBionics/

„Mind Benders“: https://www.facebook.com/Digital-Menu-101921754716032/

„Нешто Нетипично“: https://www.facebook.com/walkiieapp/

 

Generation Unlimited – Младинскиот предизвик 2019/20 е организиран од страна на УНИЦЕФ во партнерство со Фондацијата Телеком за Македонија, имплементиран е од страна на СмартАп – Лабораторија за социјални иновации Скопје и е локално поддржан од Сојузот на извидници на Македонија.

Read More