[email protected]
Аплицирајте сега!

Gen Unlimited 2.0

Предизвик

Како може дигиталната технологија да придонесе за поактивно вклучување на децата и младите со попреченост во образованието и во секојдневниот живот?

Кои се чекорите?
Собери го твојот тим и аплицирај!
Собери го твојот тим и аплицирај!
Доколку вашиот тим од 3 до 5 учесници е инспириран и сака да развие идеја која ќе внесе позитивна промена во животот на децата и младите со попреченост во општеството, аплицирајте најдоцна до 22 ноември 2019.
Имате прашања?
Имате прашања?
Сакате да откриете повеќе за предизвикот? На 24 и 25 октомври 2019 ќе се одржат отворени Инфо денови, кога ќе можете да нè посетите во просториите на Фондацијата Телеком за Македонија од 17:30 до 21:00 часот и да прашате сè што ќе ви падне на ум!
Краен рок за аплицирање: 22 Ноември 2019
Краен рок за аплицирање: 22 Ноември 2019
Пред-работилници
Пред-работилници
Пред-работилниците ќе се реализираат на 29 и 30 ноември и имаат за цел подобро запознавање на учесниците со темата и основните концепти (инклузија, дигитална инклузија, Internet of things, дизајнерско размислување и сл.) како и со методот на работа и алатките кои ќе се користат. Воедно на овие работилници тимовите ќе поработат на дефинирање на проблемот и целните групи и ќе добијат насоки за спроведување на истражување со своите заедници со цел идентификација на главните причини за проблемите односно предизвиците што ќе помогнат да се идентификуваат потенцијални решенија.
Главна три-дневна работилница за ко-креирање (Bootcamp)
Главна три-дневна работилница за ко-креирање (Bootcamp)
Главната работилница ќе се одржи на 13, 14 и 15 декември и нејзина цел е развивање на идеите на секој тим во едно конечно прототип решение со помош од стручни ментори и професионалци од различни области. На самиот крај од работилницата тимовите ќе ги презентираат своите решенија, по што жири комисијата ќе одлучи кои 5 идеи ќе бидат наградени со по 1000 долари почетна инвестиција за развој на идејата и менторска поддршка во период од 3 месеци. (2 идеи од тимови од возрасната група од 14 до 18 години и 3 идеи од тимови од возрасната група од 19 до 24 години)
Доразвивање преку инкубација и менторирање
Доразвивање преку инкубација и менторирање
Оваа фаза ќе започне по одбирањето на 5-те највпечатливи идеи на локално ниво и ќе трае 3 месеци. Во овој период менторите ќе работат заедно со тимовите и преку директни средби и советување ќе целат кон што е можно подобри резултати од решението и од неговата имплементација. Потоа, од овие 5, ќе бидат одбрани 2 решенија коишто ќе бидат поднесени во глобалниот избирачки процес со цел да бидат препознаени како дел од 8-те проекти на глобално ниво кои може да имаат најголемо влијание врз младите во светот.
Кој може да аплицира?
  • Млади на возраст од 14-24 години во тим од 3-5 учесници.
  • Подготвени да креираат дигитални решенија за постоечки проблеми.
  • Предизвиците им се возбуда.
Што бараме?
  • Идеи кои имаат потенцијал да бидат одржливи (наместо еднократни кампањи или активности).
  • Идеи кои се успешни или може да бидат успешни во локални заедници.
  • Идеи кои може да бидат реплицирани или скалирани во други земји.

Важна напомена: Тимовите кои аплицираат треба да вклучуваат и барем еден член кој е лице со попреченост. Овие тимови ќе имаат предност во процесот на селекција. Апликации на тимови кои не вклучуваат и лица со попреченост ќе бидат земени во предвид само ако демонстрираат како предложеното решение низ тесна соработка ќе биде проверено или развиено заедно со лица со попреченост или организации/експерти кои директно работат со лица со попреченост.

Период 2019-2020
Тимови што продолжуваат во фазата на инкубација и менторирање

Bionic Team (Бионички тим)

Роботска рака со достапна цена која ги чита мускулните сензори и им помага на луѓето без екстремитети во секојдневниот живот; развиен со отворен код и 3Д-печатач, моделот чини меѓу 150 и 200 долари.
Повеќе

Mind Benders (Распаметувачи)

Дигитално ресторанско мени инклузивно и достапно за сите, развиено со помош на принципите за универзален дизајн.
Повеќе

Zero to Hero (Од ништо до нешто)

Паметна инвалидска количка, која се управува со контрола на очите и има сензори за следење на физичката состојба на корисникот.
Повеќе

PortComSign (ПортКомСајн)

Апликација која го претвора говорниот јазик во знаковен и обратно.
Повеќе

Something Unordinary (Нешто необично)

Мобилна апликација Еден + Еден која поврзува волонтери со семејствата на деца и млади со интелектуална попреченост.
Повеќе
За дигитална инклузија

Дигитална инклузија (е-инклузија, е-вклучување) се однесува на ефективно учество на сите лица во секој аспект на општествениот живот преку користење на информациско-комуникациските технологии.

Пристап

не секој има можност да биде поврзан на интернет во секое време

Вештини

не секој има способност да користи интернет и онлајн услуги

Самодоверба

некои лица стравуваат од онлајн криминал, им недостига самодоверба или не знаат каде да започнат

Мотивација

не секој може да разбере зошто дигиталната технологија и дигиталните услуги може да бидат релевантни и корисни

Дизајн

не сите дигитални услуги и прозводи се пристапни и лесни за користење

Свесност

не секој е свесен за дигиталните услуги и производи кои се достапни за користење

Целта е да се отстранат бариерите што создаваат непотребни напори и раздвојување и им овозможува на сите да учествуваат подеднакво, самоуверено и самостојно во секојдневните активности, образованието и пазарот на трудот.

Generation Unlimited
Младински предизвик 2018

Првиот Младински предизвик се одржа минатата година и се одвиваше во 16 земји низ светот. Инспирирани, младите иноватори од нашата земја успеаја да развијат прототип-решенија со коишто тие се вклучија како “решавачи” на едно од горливите прашања: Како може да го прекинеме насилството врз и помеѓу децата (#ENDViolence)?

На наше огромно задоволство, тимот Андромета и нивното решение SpeakOut беа наградени како еден од пет глобални победници на предизвикот (заедно со тимови од Пакистан, Тајланд, Зимбабве и Судан)!

45+
учесници
5
финалисти
$25к
инвестиција
1!
глобален победник
Тим Андромета
Иницијатива од млади за млади за подобрување на менталното здравје преку обезбедување простор за анонимно искажување, давање помош и добивање поддршка за справување со проблемите и последиците предизвикани од насилството или поврзани со насилство врз и помеѓу младите.

прегледај видео

Тим СуперПако
SuperPako е супер алпака, пријателски карактер кој ја претставува играта “SuperPako” чија идеја е да ги охрабри корисниците кои се жртви на насилство и да ги научи како да реагираат во различни ситуации, но и да стимулира емпатија меѓу насилниците со тоа што ќе им покаже како изгледа да си во кожата на жртвата на насилство.

прегледај видео

Често поставувани прашања

1. Како може младите да аплицираат на предизвикот?

Младите луѓе кои сакаат да аплицираат се поттикнуваат да формираат тимови и да поднесат апликација [линк до апликација: skrati.mk/GenU2019 , помош за пополнување на апликацијата може да побарате на [email protected] или на 078/434-236, Александар.]

2. Каков вид на вештини ќе се очекува учесниците да стекнат од предизвикот за млади?

Широк сет на знаења, вештини, работни навики, важни и применливи во академски области како и во образовната, професионалната и граѓанската средина. Овие вештини вклучуваат решавање на проблеми, аналитичко размислување, креативно размислување, истражувачки вештини, комуникациски и лидерски вештини, упорност, граѓанска свест итн.

3. Дали ќе има обезбедено храна, пијалоци и сместување?

Да, храна и пијалаци ќе бидат обезбедени за сите учесници. Сместување ќе биде обезбедено за учесниците кои доаѓаат надвор од Скопје.

4. Кој ќе биде работен јазик на работилниците?

Македонски јазик.

5. Која е целта на три-дневната работилница?

Да се развијат идеи кои:

  • Целат да задоволат вистински потреби или решаваат вистински проблеми од секојдневието на целната група бидејќи попреченоста во остварување на целите се случува поради несовпаѓање помеѓу потребите на поединецот и понудениот производ, услуга, околина
  • Се ко – креирани со крајниот корисник, за да се создадат вистински инклузивни и корисни искуства
  • Имаат потенцијал да бидат одржливи
  • Може лесно да се реплицирани или проширени во други земји

6. Каков тип на поддршка ќе добијат тимовите по завршување на работилницата?

5те најуспешни тима (2 тима од возрасната група од 14 до 18 години, и 3 тима од возрасната група од 19 до 24 години) ќе добијат по 1000 долари финансирање за развој на идејата, менторска поддршка, пристап до технологија, место за работа, поврзување со експерти и институции согласно потребата. Целта на периодот на поддршка и менторирање е обезбедување на средина во која тимовите ќе може да ги тестират и потврдат своите решенија.

Прегледај ги сите

или поставете ни прашање на [email protected]

Новости
Поддржувачи

Младинскиот предизвик е финансиски поддржан од УНИЦЕФ и Фондацијата Телеком за Македонија, имплементиран е од СмартАп – Лабораторија за социјални иновации Скопје, а локално е поддржан од Сојузот на Извидници на Македонија.

имплементиран од

локално поддржан од